मागील
वर्षी बॉलीवूडचा रथ चांगलाच उधळलाय. मुख्यत्वे एक्शन आणि विनोदी या क्षेत्रांमध्ये
चांगलीच घोडदौड झालीये. त्याचप्रमाणे साय-फाय, प्रौढ विनोदी अशी
काहीशी नवीन क्षेत्रदेखील पादाक्रांत केली गेली. बाकी रोमांचक आणि सामाजिक
सिनेमांचा वरचेवर पगडा होताच. पण खरे वर्चस्व राहिले ते विनोदी मारधाडपतांचे.
सलमानचे बोडी गार्ड, रेडी आणि अजय देवगणचा सिंघम हे या वर्षीच्या हिट सिनेमांच्या
मुकुटातील मानाचे तुरे. तसेच जिंदगी ना मिलेगी दोबारा, मेरे ब्रदर कि दुल्हन,
यमला पगला दिवाना,
तनु वेडस मनु
हीदेखील या वर्षीची ठळक विनोदी वैशिष्ठ.
हिट सिनेमांमध्ये मागील
वर्षी २ एकदम विरुद्ध प्रवाह पाहायला मिळाले. एक काळानुरूप जाणारा ज्यात
रा.वन हा तांत्रिक गोष्टीमध्ये अद्ययावत आहे तसेच दिल्ली बेली हा प्रौढ
आणि भन्नाट विनोदी ज्या प्रकारची हॉलीवूड मध्ये बरीच चलती आहे तर दुसरा
काळाच्या मागे जाऊन विनोदी आणि मारधाडपतांचे जुने फोर्म्युले परत यशस्वी
करून दाखवणारा. दोन्हींनी भरगोस यश मिळवलय.
२०११ची एकदम कडक सुरुवात केली ती नो वन किल्ल्ड जेसिका ने. राणी मुखर्जीची
जबरदस्त भूमिका असलेला या सत्य घटनेवर आधारित सामाजिक रोमांचक ड्रामाला
चांगलाच प्रतिसाद मिळाला. त्यानंतर यमला पगला दिवाना आणि दिल तोः बच्चा
है जी ने चांगली विनोदी सुरुवात केली. मधेच किरण रावचा धोबी घाट मुंबईचे
आंबट कडवट सत्य सांगून गेला. पटियाला हाउस आणि तनु वेडस मनु यांनी आपली
उपस्थिती नोंदवली.
सुट्ट्यांच्या मोसमात काही नवीन प्रकारचे सिनेमे आले. ४०४ हा राष्ट्रीय पारितोषिक
विजेत्या निशिकांत कामातची प्रमुख भूमिका असलेला मानसशास्त्रीय रोमांचक
प्रकारातला चांगला सिनेमा. पण तो कधी आला कधी गेला कळलाच नाही. तुषार
कपूरचा शोर इन द सिटी सुद्धा एक चांगला प्रयोग होता. पण त्यातील बावरो
गाण्याइतका काही तो हिट झाला नाही. हॉन्तेड ३ डी हॉरर असूनही काही कमाल करू शकला नाही.
त्यामुळे गरमीच्या सुट्ट्या थोड्या थंडच गेल्या. त्यात झोकोमोन, स्तान्ली हे काही लहान
मुलांसाठी चित्रपट आले त्यातील स्तान्ली का डब्बा हा अमोल गुप्ते
आणि त्याचा मुलगा पार्थो यांच्या अभिनयाने नटलेला हृदयस्पर्शी चित्रपट
सर्वांनी नक्की पहावाच या प्रकारातला होता. हॉलीवूडच्या अक्सेप्तेड
सिनेमावर बेतलेला फालतू ने बर्यापैकी यश मिळवलं. बाकी गेम, थांक यु, दम मारो दम हे बिग बजेट
सिनेमे आले आणि गेले.
खरी
धमाल आली ती वर्षाच्या उत्तरार्धात. जूनच्या सुरुवातीलाच आलेल्या सलमान
खानच्या रेडीने. कलाकारांची गर्दी आणि कंटाळवाण्या पूर्वार्ध असूनही कारेक्टेर
ढिल्या सलमानची जादू बॉक्स ऑफिस वर धींका चिका करून गेली. सलमानचा हा १०० करोडच्या
वर कमावणारा लागोपाठ दुसरा आणि आतापर्यंत सर्वात जास्त कमाई करणारा
बॉलीवूडच्या ४था चित्रपट ठरला.
बॉलीवूडला नवीन असे कमरेखालचे विनोद, वेड्यासारखे हसायला लावणारे किस्से आणि आजच्या
दिल्लीच्या तरुणांच्या डी के बोस संस्कृतीचे प्रदर्शन असलेला फक्त १८ ते ३५
वयोगटातील लोकांसाठी बनवण्यात आलेला आमीर खान चा धाडसी आणि यशस्वी
प्रयत्न दिल्ली बेलीने बॉलीवूडला वेगळीच वाट दाखवली.
झीन्दागी ना मिलेगी दोबारा हा भाऊ फरहान अख्तरच्या दिल चाहता है चा झोया
अख्तर वर्जन. अभिनेत्यापासून लोकेशन्स आणि गाण्यांपर्यंत सर्वच बाबतीत हा
सिनेमा अतिशय सुंदर. त्याउलट शैतानने परत एकदा आजच्या बेफिकीर तरुणाईची रोमहर्षक
कथा दाखवून गंभीर केले. मिलन लुथारीयाच्या डर्टी पिक्चरने सिल्क स्मिथचा
जमाना दाखवला. मुलींसाठी तितकासा पहाणेबल नसलेला हा सिनेमा विद्या बालनला भविष्यात बरेच आव्हानात्मक भूमिका आणून
देणार हे नक्की. मेरे ब्रदर कि दुल्हन मध्ये इम्रान ची जादू
म्हणावी तितकी चालली नाही पण कतरिना ने मात्र धमाल उडवली. अली जफरही बर्यापैकीच होता.
आपल्या
निशिकांत कामतचा फोर्स हा एक खरा गंभीर मारधाडपात होता. जॉन आणि विद्युतला
एकमेकांच्या विरोधात लढताना पाहणे म्हणजे डोळ्यांना ट्रीट होती. तसाच
१९ मराठी कलाकारांच्या प्रमुख भूमिका असलेल्या सिंघम रोहित शेट्टीला आपला
करून गेला.
उत्तर भारतात सुरुवातीला तितकासा चांगला प्रतिसाद न मिलेल्या
सिंघमची नन्तर जी सटकली ती सटकलीच. क्लास ते मास, लहानथोर आणि सर्व
ठरतील लोकांना आवडलेला सिंघम पाहून इंडस्ट्रीला कळलं कि 'आली रे आली, आता रोहित शेट्टी ची
पाळी आली'. तसाच ऑगस्ट
दरम्यान
आलेला सलमान करीनाचा बोडी गार्ड फक्त
अक्शन आणि सलमानच्या जीवावर बॉलीवूडचा या वर्षीचा सर्वात मोठा हिट ठरला.
पहिल्याच दिवशी २१ करोड पेक्षा जास्त कमावणारा हा चित्रपट बॉलीवूडचा आतापर्यंतचा
दुसरा सर्वात जास्त कमाई करणारा चित्रपट ठरला आणि सलमान खरा बॉलीवूड गार्ड.
पंकज कपूरचा पहिलाच दिग्दर्शकीय प्रयत्न मौसम मात्र लोकांना फारच कांटाळवाना
होता. देसी बोय्ज ची पण सारखीच गत. सेक्सी जॉन कॉमेडी अक्षय आणि हॉट
दीपिकाही या बोल्ड सिनेमाला तारू शकले नाही. विशाल भारद्वाजच्या ७ खून माफनेही
खाशी कमाल केली नाही. प्रकाश झा चा आरक्षण मात्र फार मोठा अपेक्षाभंग ठरला. उत्तम
स्टार कास्ट, चांगला विषय, मधाळ गाणी असूनही व्यवस्थित मांडणी नसल्याने
प्रेक्षकांना आरक्षित करणे जिकरीचे झाले. मध्यंतरी साऊंड
ट्राक आणि गर्ल इन याल्लो बूट्स असे काही अयशस्वी पण चांगले प्रयत्न झाले.
मग दिवाळीत आला रा.वन. शाहरुखचा ड्रीम प्रोजेक्ट. त्याने स्वतःने इतका झोकून
दिलेला या प्रोजेक्टमध्ये कि तो डब्यात जाणे शक्यच नव्हते. यत्र तत्र सर्वत्र
रावणमय वातावरणात दिवाळी
साजरी झाली. क्लासला आवडती असे अद्ययावत स्पेशल इफ्फेक्ट्स,
अकोन ची गाणी आणि
मासला आवडतील अशी सोप्पी गोष्ट आणि छम्मक छाल्लो करीना असा सगळा
सरंजाम करताना सिनेमाचा बजेट आकाशाला भिडलं. नशिबाने कलेक्शनही..
रॉक
स्टार हे एक या वर्षीचा ठळक वैशिष्ठ. लव आज कल पासून इम्तियाझ अलीची
हिरोईनची निवड चुकत असली तरी बाकी बाबतीत तो आपले निर्विवाद वर्चस्व सिद्ध
करण्याच्या मागे लागलाय खरा. रणबीरचा सहज सुंदर अभिनय, इम्तियाझची
गोष्ट
सांगण्याची पद्धत, भूमिकेतील बारीक निरीक्षण या रॉक स्टार च्या जमेच्या बाजू. नर्गिस जितकी
सुंदर आहे तितका सुंदर आणि रणबीरच्या अभिनयाला साजेसा अभिनय आणि
रेहमानची त्याच्या कीर्तीला साजेशी गाणी या गोष्टीची कमतरता भासली.
अजून एक कमी राहून राहून भासली ती आमीर खानची. पण त्याने पडद्यामागे चांगलीच
गाजवली हेही खरच. दिल्ली बेलीसारखे धाडस आमीरच जाणो. आणि धोबी घाट, मधला कलाकारही तेवढाच
सुखावह होता. एकता कपूरनेही या वर्षी रागिणी एम एम एस,
शोर इन द सिटी आणि
द डर्टी पिक्चरद्वारे फिल्म इंडस्ट्रीत व्यवस्थित रोवलेत.
जलेबी बाई पासून उ ला ला विद्या पर्यंत आयटम सोन्ग्स डोळ्यांचे पारणे फेडायला
याही वर्षीहि सज्ज होतेच. सध्या कोंबडी पळालीचा हिंदी तडका चिकणी चमेली
वर्षाखेर चांगलाच गाजवतोय आणि अजय अतुल यांनाही.
२०११ च्या पूर्वार्धात हळू हळू उंचावर पोहोचलेला सिनेमाच्या
रोलर कोस्टरने जो सूर मारलाय तो पाहून ही राईड २०१२
मध्येही
उत्तरार्धात अधिक रोमहर्षक होईल अशी अपेक्षा आहे.
